• A-
  • A
  • A+
сабота, 20 април 2024, 

Жител на тетовското село Сараќино застрелан од негов соселанец

Жител на тетовското село Сараќино застрелан од негов соселанец

Тетово 17 октомври 2018 (МИА) - Ќ.Е. (56) од тетовското село Сараќино бил погоден со куршум во десната натколеница откако вчера  кон него со пиштол пукал неговиот соселанец П.П.(33), информираше портпаролот на СВР Тетово Марјан Јосифовски.

Според пријавата во полицијата вооружениот инцидент се случил вчера околу 7. 30 часот при што П.П. додека се движел со „Голф“ со тетовски регистарски ознаки од пиштол испукал два куршуми кон Ќ.Е., кој одел пешки во близина на неговиот дом. Притоа еден од куршумите го погодил Ќ.Е. во десната надколеница, по што П.П. со возилото заминал од местото.  

Повредениот Ќ.Е. со возило на итна медицинска помош бил пренесен во тетовската клиничка болница и бил задржан на понатамошно лекување. По овластување на јавен обвинител увид на местото извршила екипа од СВР Тетово. На местото била пронајдена една чаура калибар 7,65 милиметри што била подигната за вештачење.

Полицијата презема мерки за пронаоѓање на П.П. и за целосно расчистување на случајот рече Јосифовски. ас/сд/12:08

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ