Ахмети: Патот кон ЕУ и НАТО е еднонасочен, нема враќање
- сабота, 20 октомври 2018 12:17
Скопје, 20 октомври 2018 (МИА) - Лидерот на Демократската унија за интеграција-ДУИ Али Ахмети се заблаодари за поддршката за пристапување кон уставните измени во, како што вели, овие одлучни времиња.
- Изразувам исклучителна благодарност и за 80-те пратеници кои гласаа „за“, додека тие што сакаа да гласаат за, но не ја најдоа потребната храброст да одлучат исправно синоќа, ги повикувам да ни се придружат во понатамошните постапки за заокружувањето на овој процес, истакнува Ахмети.
Вели дека ова е првичен успех до кој се дошло со работа во тешки околности изминатите недели и дека тие се избрани за да носат храбри и важни одлуки, а не да калкулираат за следни избори и следен мандат.
- Нашиот пат кон НАТО и ЕУ е еднонасочен, враќање назад нема. Тие 80 пратеници што гласаа „за“, но и тие коишто се воздржаа од гласање, знаат многу добро дека само овој пат ни носи стабилен мир, добри меѓуетнички и добрососедски односи, системски реформи, правна држава и владеење на правото, еднаквост и заокружување на Охридскиот договор, економски развој, повеќе работни места, странски и домашни инвестиции и општествена благосостојба. Нашите пријатели од меѓународната заедница се рамо до рамо со нас на овој пат, за да ја направиме Македонија европска, наведува лидерот на ДУИ и пратеник во Собранието.
Ја повика и опозицијата да се построи, како што вели, „на исправната страна на прогресот и евроатлантската определба, без задоцнување и понатамошни калкулации“.
- Одмор нема. Уште од денес продолжуваме со работа за да го заокружиме овој процес. Само заедно сме посилни, додава Ахмети во изјавата по повод изгласаната поддршка за пристапување кон измени на Уставот. хс/нд/
###
Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.
Фото сервис
Мозаик
Тикер
- 12:07 | test
- 14:40 | Пендаровски: Не очекуваме опструкции од новата грчка Влада
Претседателот на Република Северна Македонија Стево Пендаровски по смената на власта во Грција, не о...
- 13:43 | Скопје и Софија заедно ќе ги слават Св. Кирил и Методиј и Цар Самуил, треба да се усогласат датумите
Отворен е патот за заедничко чествување од страна на Скопје и Софија на Св. Кирил и Методиј, Св. Кли...
- 10:11 | Скопје и Софија заедно ќе ги слават Св. Кирил и Методиј и Цар Самуил, треба да се усогласат датумите
Отворен е патот за заедничко чествување од страна на Скопје и Софија на Св. Кирил и Методиј, Св. Кли...
- 12:23 | Ципрас - Коѕијас: Ден на радост по вчерашното гласање во соседната земја
Ден на радост е денешниот за новиот, но и за стариот министер за надворешни работи на Грција, поради...